{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

CoCo小知識

室內裝修唔使愁 CoCo小貼士喺手🌟

✃┄┄✁┄┄✃┄┄✁┄┄✃┄┄✁┄┄✃┄┄✁┄┄✃┄┄✁┄┄✃┄┄

琺瑯板篇

窩居必備日本製琺瑯板「隨處貼」磁石配件任你揀

點解唔洗鑽牆裝層板，但都咁穩陣嘅？！究竟Takara Standard 琺瑯板有咩秘技？琺瑯板其實係一種由玻璃同鋼板經850 °高溫燒燽而成嘅物料，因為它底層係金屬，所以任何有磁石配件都可以自由組合貼喺琺瑯板上面！唔洗鑽洞就可以根據自己嘅喜好同習慣去擺放各式各樣既廚房用品，煮飯嘅時候更加得心應手啦！

琺瑯板嘅安裝方法好簡單，好似 Takara standard 琺瑯板咁，用佢提供既膠漿直接貼上現有磁磚或木板，仲快過鋪瓷磚，接駁位更少更美觀！所以愈嚟愈多人會揀裝琺瑯板喺廚房爐頭後面～代替磁磚或不銹鋼板，佢仲非常容易清潔同耐用，可以安裝喺家居嘅唔同角落，如客廳、睡房、浴室等，仲可以貼埋喺小朋友房牆身，俾佢地發揮創意，容易清潔嘅琺瑯板畫花都唔使勞氣！即使經過十年、二十年後，都能保持簇新，仲可以用磁石配件作牆身收納同裝飾。

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

油漆篇

油漆揀最好 健康又環保！

有幾多人同CoCo一樣，好討厭聞到油漆嘅氣味？劣質嘅油漆唔止氣味難聞，對身體仲有害！乳膠漆大家就聽得多啦，可能屋企仲用緊佢～不過，近年開始愈來愈多人用嘅天然漆！天然漆嘅好處令人好心動～由於係用全天然物料製造，除咗對人體無害，仲可以淨化空氣同埋殺菌，而且防霉又耐用，非常適合過敏人士嘅家居使用， 有啲甚至可以在天台範圍使用，反射陽光嘅熱力， 減低週邊環境溫度，非常環保。雖然乳膠漆喺價錢上取勝，但係仍然會釋出一定程度嘅 VOC！所以屋企要髹油嘅話～如果預算足夠可以考慮用天然漆，為屋企人長遠嘅健康，絕對值得行多一步！

 

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

LED吸頂天花燈

揀啱吸頂天花燈 色彩多樣又繽紛

如果可以將五顏六色又識變色嘅燈燈帶翻屋企就好啦！最近 CoCo 留意緊唔同款式嘅天花燈，例如最常見嘅射燈、吊燈、LED 吸頂天花燈同風扇燈，結果發現 LED 天花燈嘅 CP 值真係幾高㗎喎。

 

LED 天花燈有唔同功率、尺寸同色溫選擇，仲可以自由配搭邊框同款式，集環保、安全、實惠同耐用於一身！

 

例如 Philips Lighting 嘅天花燈可以透過智能手機或者遙控器控制燈光嘅顏色同亮度，SUNSHINE Lighting 嘅天花燈光線柔和又唔刺眼，真光照明發展公司嘅天花燈有唔同造型任君選擇！有 LED 技術就可以營造出唔同嘅氣氛同效果，白光變暖光又得，暖光變白光亦得，得咗。

 

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

藝術漆篇

牆身變成藝術品 手工獨特夠過癮

嗱，藝術依家嘢，CoCo 我真係識條地腳線㗎咋⋯⋯不過藝術漆就唔同啦～

話晒CoCo係裝修物料方面嘅專家！藝術漆（Artistic Coating）係近年新興嘅油漆，源自歐洲，尤其以意大利最為著名，佢嘅特別之處就係唔同顏色同物質嘅配搭，可以創造出唔同嘅紋路、質感同花紋，例如浮雕、絲絨、雲石、金屬等效果，可以用喺全屋唔同位置，點綴出屬於唔同空間嘅特質，用藝術漆將牆身變成一幅藝術名畫！

整藝術漆係咪要請藝術大師過嚟畫㗎呢？當然唔係啦～只要油漆師傅接受過基本培訓，其實就好快上手～雖然藝術漆嘅施工方法同一般嘅油漆有少少唔同，每一款花紋都需要特別嘅工具，不過成個過程相對簡單，而且快靚正，油好油漆之後，再等風乾24個鐘就搞掂，而且每幅牆油完出嚟都係獨一無二㗎！

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

磁磚篇

裝修揀啱磁磚 生活先係至尊！

市面上，俗稱「磁磚」嘅瓷磚花款多，有木紋磚、石紋磚、馬賽克磚、葡萄牙花磚⋯⋯睇到都覺得花多眼亂～不過唔好以為磁磚花花碌碌，原來佢哋大體上只係分做主要兩類，分別係「高溫磚」同「低溫磚」，兩者嘅材質同燒製過程都唔同——「高溫磚」即係瓷質磚 (porcelain tiles)，吸水率較低，可以用嚟鋪牆或鋪地；「低溫磚」亦即係陶質磚 (ceramic tiles)，吸水率較高，只適合鋪設喺牆身～睇到依到可能心諗，咩係吸水率呢？呢個係用嚟區分瓷磚嘅工業標準，例如按歐洲嘅指標嚟講，吸水率0.5%以下歸類做瓷質，3%以上就係陶質。所以，各位除咗揀咩款式之外，亦都要按照返浴室、廚房、室內空間嘅環境，揀返適合嘅磁磚～

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

磁磚尺寸篇

廁所啲磚細塊啲？ 磁磚尺寸你要知！

磁磚由牆身到地面，佔家居好大部份嘅空間，想家居更有格調，就要由磁磚入手！揀選磁磚嘅時，當然要因應翻家居區域而選擇合適嘅尺寸～以地磚嚟計，客廳常用嘅地磚尺寸為600 mm x 600 mm 或 800 mm x 800 mm；廚房同廁所嘅空間較細，所以地磚會鋪細塊啲嘅，常用嘅地磚尺寸為 300 mm x 600 mm。值得留意嘅係，愈大塊嘅磁磚施工起上嚟就愈方便，呎價亦都會較貴，但比起細塊嘅瓷磚，就可能有較嚴重嘅彎磚情況～不過有我咁精明嘅 CoCo 喺到教大家，一定有辦法幫各位喺選購地磚時，避免遇到依啲事！

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

掣面篇

裝修再入微精細 點綴只要一個「掣」

花咗一大筆錢裝修咗，屋企仲係差咁啲野？裝修嘅時候，唔好忘記一啲細節位，就好似掣面板咁～究竟揀傳統掣面，定係智能掣面好呢？

傳統掣面板花款百出又美觀，就好似 Vimar 嘅 Plana 佈線系列，七彩繽紛咩顏色都有，同一系列就有56款掣框物料任供選擇，百分百滿足唔同家居設計風格嘅要求！想智能家電同生活無縫連接？

依家最新嘅智能掣面唔單止有開關功能，Vimar 嘅 Eikon 佈線方案搭載By-me無線系統，透過智能電話連接 Wi-Fi 就可以輕鬆管理房間照明、電動捲簾或窗簾，輕鬆令居住空間全面升級，仲可以連接家中偵測器，甚至防盜警報系統！更驚喜嘅係掣面採用精緻加工嘅材料，飾面由木材、天然皮革到水晶質感都有～

即刻換上一套新嘅掣面板，為家居注入時尚感！

✃┄┄✁┄┄✃┄┄✁┄┄✃┄┄✁┄┄✃┄┄✃┄┄✁┄┄✃┄┄✁┄┄

坐廁篇

精明裝修之道 揀坐廁係關鍵一步

無論識朋友定係揀廁所馬桶，啱「咀」型好緊要（｡◑ヮ◑｡）！而揀坐廁嘅時候，首先係要留意返自己屋企嘅去水喉高度，再揀翻對「咀」嘅馬桶！

香港有唔同種類嘅坐廁馬桶，最常見嘅有「高咀」、「自由咀」同「地去水」，較少見嘅就有「低咀」～「地去水」同「低咀」嘅結構喺舊樓較為常見～「自由咀」嘅設計就更加自由彈性，一般嚟講可以配合唔同大廈去水喉高度，滿足各種嘅環境要求～

究竟要點樣揀啱「咀」型呢？簡單嚟講，座廁去水位同大廈去水喉嘅高度一樣就係最好，去水位高過去水喉都還可以接受，但切忌去水位低過去水喉嘅情況，所以買馬桶千祈唔好上網買，一定要去現場睇清楚，咁就萬無一失啦！

✃┄┄✁┄┄✃┄┄✁┄┄✃┄┄✁┄┄✃┄┄✁┄┄

持續更新，敬請期待